سلايډسيمه او نړۍ

ترکیې له امريکا غوښتي، گولن وروسپاري

وروسته له هغه چې د ترکيې د پوځ يوې برخې پر واکمن نظام د کودتا ناکامه هڅه وکړه، ترکي ولسمشر رجب طيب اردوغان له امريکا غوښتي، چې فتح الله گولن وروسپاري. گولن اوسمهال د امريکا پنسلوانيا ايالت کې مېشت دی او د ترکي حکومت له لوري د ترهگرۍ په تور تورن دی.

اردوغان تېره ورځ استانبول کې د هغه د کور مخې ته راټولو شويو زرگونو ترکانو ته وينا کې پر امريکا غږ وکړ، چې که چېرې زموږ ستراتيژيک همکاران ياست، دا غوښتنه مو پر ځای کړئ. نوموړي زياته کړه: «تاسو موږ نه د ډېرو ترهگرو د درسپارلو غوښتنه کړې او موږ درکړي دي، ځکه نو ياد تن موږ ته وسپارئ».

د امريکا د بهرنيو چارو وزير جان کيري د اردوغان د غوښتنې په غبرگون کې ويلي، چې «د فتح الله گولن د ورسپارلو په اړه غور کوو، د اسلامي دين عالم چې پنسلوانيا کې مېشت دی او ترکي ولسمشر يې د کودتا په مشرۍ تورنوي». کيري له ترکي حکومته غوښتي، چې په دې اړه کره او دقيق شواهد ورکړي، امريکا به هغه ومني او وروسته به په دې اړه پرېکړه وکړي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button