افغانستانسلايډ

بغلان: طالبانو يو غير مسوول قوماندان د بچه بازۍ په تور وژلی

وسله والو طالبانو د بغلان ولايت د پلخمري اړوند حسين خېل سیمه کې يو تن د بچه بازۍ يا هلک ساتلو په تور وژلی دی.

د سيمې يوه مخور سلام وطندار سره خبرو کې د دې پېښې پخلی کړی. نوموړي څرګنده کړې ده، چې طالبان تېره شپه د حکیم په نامه (مشهور په بچه باز) د يوه تن کور ته ننوتل او نوموړی يې له خپل «هلک» سره راوويست او بيا يې دواړه د نوموړي کس د کورنۍ د غړو په وړاندې په ډزو ووژل.

د سيمې خلک وايي، طالبانو ځايي ملايانو او خلکو ته ګواښ کړی، چې که د وژل شويو کسانو جنازه کې يې ګډون وکړ، ښه پايله به ونه لري.

د قومي مشر محمد نصيب په وينا حکيم د غير مسوولو وسله والو قوماندان وو او د پنځلسو کسانو مشري يې کوله او پر وژل شوي هلک سربېره يې درې نور هلکان يا بچه بې ريش هم ساتلي وو.

وسله والو طالبانو په خپله لا د پېښې په اړه رسنيو ته څه نه دي ويلي.
د بغلان امنيه قوماندانۍ هم د پېښې پخلی کړی او څرګنده کړې يې ده، چې وژل شوی تن دولت سره کوم تړاو نه لري.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button