خبرونهسيمه او نړۍ

بارک اوباما د گوانتانامو زندان تړلو پر ژمنې ولاړ دی

د امریکا ولسمشر بارک اوباما یو ځل بیا ټینگار کړی چې د خپلې واکمنۍ تر پایه به د گوانتانامو زندان وتړي. اوباما ویلي، که د امریکا ولسي جرگه یې د دې کار مخنیوی کوي؛ نو د خپلو واکونو په کارولو سره به زندان وتړي.

د گوانتانامو زندان په نړیواله کچه د امریکا پر خلاف د بشري حقونو ادارو ډېرې نیوکې راپارولې وې. دغه زندان د کیوبا په یوه ټاپو کې د امریکا له خوا د ترهگرۍ پر ضد جگړې له پیل وروسته په ۲۰۰۲ کې جوړ شو. په دغه زندان کې پر ساتل کېدونکی تور دی چې د «امریکا دښمنان دي».

دمگړۍ په دغه زندان کې ۱۰۷تنه زندانیان ساتل کېږي. د امریکا د دفاع وزیر، اشټون کارټر ژمنه کړې چې ۱۷تنه زندانیان به له دې زندانه وباسي چې له دې سره به د پاتې زندانیانو شمېر ۹۰تنو ته راکښته شي.

بارک اوباما د ۲۰۰۸م کال له ټاکنو وړاندې ژمنه کړې وه چې واک ته له رسېدو سره سم به دغه زندان وتړي.

 

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button