افغانستانسلايډ

امریکا جنرال دوستم ته د خپلې دندې پرېښودو بدل کې د امنيتي ادارو مشري ورکوي

د امريکا په هڅو د يوه سياسي هوکړه ليک پر اساس د رامنځته شوي ملي يووالي حکومت موده راتلونکې وږي مياشت کې پای ته رسېږي او اوس امريکا هڅې کوي دغه حکومت په يوه طريقه دوام وکړي.

کابل نيوز د يوې باوري سرچينې له خولې ليکلي دي، چې امريکا غواړي جنرال دوستم د ولسمشر د مرستيالۍ له دندې لرې او پر ځای يې اجرايه رييس ډاکټر عبد الله عبد الله مرستيال وټاکي.
امريکا جنرال دوستم ته د خپلې اوسنۍ دندې د پرېښودو بدل کې د دفاع او کورنيو چارو وزارتونو او ملي امنيت د رهبرۍ وړانديز کړی، څو په داسې کولو د ملي يووالي حکومت موده يو ځل بيا وغځول شي.

دا په داسې حال کې ده، چې د ولسمشر غني او جرايه رييس عبد الله عبد الله تر منځ تر اوسه  په نږدې هره مسله کې د نيم په نيمه واک کارولو سيالي روانه ده، چې وروستۍ بېلگه يې د برېښنايي پېژند پاڼې وېش دی.
ځينې امريکايي او ډېری افغان سياستوال په دې اند دي، چې امریکا په لوی لاس د افغانستان وروستۍ ولسمشريزې ټاکنې گډې وډې کړې او وروسته يې واک د ولسمشر او اجرايه رييس تر منځ ووېشه. دغه کار د ولسمشر غني ډېری پلويان له هغه ناراضه کړل.

د امريکا له لوري د ملي يووالي حکومت د مودې غځولو لپاره دا هڅې په داسې حال کې کېږي، چې په ټول هېواد کې درنې جگړې روانې دي. تېره ورځ د هلمند، کندهار، روزگان او زابل ولايتي شوراگانو له حکومته وغوښتل، چې ژر تر ژره د روان بحران د حل او د حکومت د برخليک ټاکلو په موخه لويه جرگه جوړه کړي، خو حکومت په دې اړه کومه دلچسپي نه ده ښودلې.

بل پلو شنونکي د امريکا له لوري دغه هڅه کاميابه نه بولي او وايي، چې شايد معکوسې پايلې ولري.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button