پاموړ

افغان ورزشکارانو د جنوبي اسیا له سياليو پنځه دېرش مډالونه راوړل

افغان ورزشکاران د جنوبي اسیا له سیالیو وروسته له اووه سروزرو، نهه سپینو زرو او نولس برونز مډالونو سره هېواد ته ستانه شول. په ترلاسه کړيو مډالونو کې پنځه د ټکوانډو په برخه کې ګټل شوي دي.

افغان ورزشکارانو د جنوبي اسیا په سيالیو کې له هند، پاکستان، سریلنکا وروسته څلورم ځای خپل کړی. نیپال، بنګلادیش، مالدیف او بوتان له افغانستانه وروسته دي.

سمیه غلامي په لومړي ځل هېواد ته د ټکوانډو په برخه کې د سروزرو مډال راوړی، چې له امله یې د روسيې د اولمپیک سیالیو ته لار پیدا کړې.

د جنوبې اسیا په سیالیو کې په لس ګونه افغان ورزشکارانو برخه اخیستې وه.

د دې سياليو جام د روانې میاشتې له شپږمې تر شپاړلسمې د هند په ګواهتي او شیلونګ ښارو کې ترسره شوې چې د اته اسیايې هېوادنو ورزشکارانو په کې برخه اخیستې وه.

Tags

ځواب دلته پرېږدئ

ستاسو برېښناليک به نه خپريږي.

Back to top button