افغانستان

«افغانستان د سياسي سقوط له گواښ سره مخ دی»

د امريکا د ملي امنيت مشر جيمز کلپر پرون د امريکا د مشرانو جرگې غونډه کې څرگنده کړه، چې افغانستان په روان ميلادي کال کې د سياسي سقوط له گواښ سره مخ دی. هغه وويل: «د افغانستان سياسي جوړ جاړی مخ په خرابېدو دی، د طالبانو بريدونو زور اخيستی او حکومت د سرچينو د کموالي له جدي گواښ سره مخ دی».


ښاغلی کلپر د امريکا د ۱۶ استخباراتي ادارو تر منځ د همغږۍ راوستو ادارې مشر دی.

له کلپر وړاندې د امريکا نورو چارواکو هم ۲۰۱۶ز افغانستان لپاره له جگړې ډک کال بللی دی.

د افغانستان د ملي يووالي حکومت مشران سره له دې چې بيا بيا د همغږۍ او گډ کار په اړه د ژمنتيا دعوه کوي، خو وخت ناوخت د ولسمشر او اجراييه رييس تر منځ د اختلافاتو په اړه خبرونه خپرېږي.

همدا راز امريکايي چارواکي تاييدوي، چې طالبانو د مخکينيو کلونو په پرتله له حکومته ډېرې سیمې نيولي او د حکومت د واک سيمه يې محدوده کړې ده، خو د ملي يووالي حکومت چارواکي دا خبرې ردوي.

 

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button