افغانستانسلايډ

اسلام اباد کې نن د افغان کډوالو په اړه غونډه پيلېږي

ټاکل شوې ده، چې پلازمېنه اسلام اباد کې نن د افغان کډوالو په اړه دوه ورځنۍ درې اړخيزه غونډه پيل شي. دغه غونډه کې به د افغانستان، پاکستان او د م م د کډوالو د عالي کمېشنرۍ استازي ګډون وکړي.

د کډوالو چارو وزارت مرستيال وياند حفيظ الله مياخېل رسنيو ته ويلي، چې غونډه کې د ګډون په موخه د کډوالو او بېرته راستنېدونکو چارو د وزير سيد حسين عالمي بلخي په مشرۍ افغان پلاوی وړمه ورځ له مازديګر وروسته اسلام اباد ته ورسېد. نوموړی زياتوي، چې وزارت په خپله خوښه د افغان کډوالو د راستنېدو په هدف عملي پلان په لاس کې لري، چې دې درې اړخيزې غونډې ته به يې وړاندې کړي. د هغه په وينا ناسته کې څو مهمې موضوع ګانې څېړل کېږي، د کډوالو د بېرته راستنېدو پر لارو چارو او په دې اړه د افغان حکومت پر پلان، د افغان کډوالو د کډوالو کارتونو د مودې غځولو او دا چې له ۲۰۱۶ز وروسته څه وشي».

دا غونډه په داسې حال کې کېږي، چې پاکستان په خپله خاوره کې د مېشتو افغانانو د پاتې کېدا موده د روان زيږديز کال تر پايه غځولې ده.

بل لور ته پاکستان کې ډېری مېشت افغان کډوال هېواد کې د هستوګنځايونو نه لرل، ناامنۍ او بې روزګاري هغه ستر لاملونه بولي، چې له امله يې بېرته راستنېدو ته زړه نه ښه کوي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button