خبرونهسلايډ

اروزگان: چارچینو ولسوالۍ سقوط کړې

د ارپورونو له مخې ویل کېږي چې تېره شپه د اروزگان چارچینو ولسوالۍ د طالبانو په لاس سقوط کړې. د اروزگان د ولایتي شورا رییس د پېښې پخلی کړی.

د ولایتي شورا رییس عبدالکریم خادمزي ویلي چې طالبانو له تېرو درې ورځو راهیسې جگړه روانه کړې وه چې تېره شپه په دې وتوانېدل تر څو د ولسوالۍ مرکز او امنیه قومندانۍ ونیسي.

خادمزي زیاته کړه چې د ولسوالۍ مامورینو ځانونه د ملي اردو قرارگاه ته رسولي دي.

د اروزگان ولایت ویاند دوست محمد نایاب له رسنیو سره د چارچینو د جگړې پخلی کړی دی خو دا یې نه ده منلې چې گواکې د چارچینو ولسوالۍ دې د طالبانو په لاس سقوط شوي وي.

بل لوري ته د طالبانو ویاند قاري یوسف احمدی رسنیو ته ویلي چې د چارچینو ولسوالۍ د طالبانو له لوري فتحه شوې او مقابل لوري پولیسو او امنیتي ځواکونو ته یې مرگ ژوبله اړولې ده.

Tags

ځواب دلته پرېږدئ

ستاسو برېښناليک به نه خپريږي.

Back to top button